शिवप्रसाद कांबळे दलित पँथर आगरवाडी शाखेच्या वतीने क्रांतिजोती सावित्रीमाई फुले जयंती साजरी…

डहाणू प्रतिनिधी

मौजे आगरवाडी सफाळे येथे दलित पँथर आगरवाडी शाखेच्या वतीने क्रांतीजोती सावित्रीमाई फुले जयंती साजरी करण्यात आली. सदर कार्यक्रमात कार्यकर्त्यांना मार्गदर्शन करताना पँथरचे महाराष्ट्र प्रदेश कार्याध्यक्ष अविश राऊत यांच्या वतीने क्रांतिजोती सावित्रीमाई फुलेंच्या संपूर्ण जीवनपट , स्त्री शिक्षण आणि सामाजिक संघर्ष , सामाजिक परिवर्तन तसेच त्यांच्या प्रचंड कार्याला उजाळा देण्यात आला. जेष्ठ सामाजिक कार्यकर्ते भिकाजी कुर्ले ,पालघर जिल्हा महासचिव व जिल्हा प्रसिद्धी प्रमुख संतोष कांबळे , पालघर जिल्हा महिला महासचिव सुमती कांबळे , पालघर जिल्हा युवाउपाध्यक्ष हितेश कुर्ले यांनी क्रांतिसूर्य महात्मा जोतिबा फुले आणि क्रांतिजोती सावित्रीमाई फुले या फुले दांपत्यांनी स्त्री शिक्षणासाठी केलेले संघर्ष तसेच स्त्री शिक्षणाचा पाया रचणाऱ्या भारताच्या पहिल्या महान महिला शिक्षिका क्रांतीजोती सावित्रीमाई फुले यांच्या संघर्षमय जीवनाची व कार्याची आठवण उपस्थित कार्यकर्त्यांना करून दिली. कार्यक्रमाची व्यवस्था प्रज्ञासूर्य मंडळ आगरवाडी यांनी केली होती. यावेळी पालघर जिल्हा उपाध्यक्ष रोहित चौधरी , पालघर जिल्हा महिला उपाध्यक्ष विद्याताई मोरे , पालघर जिल्हा महिला कार्याध्यक्ष मरिना रिबेलो , पालघर जिल्हा प्रमुख सल्लागार दिवाकर जाधव , पालघर तालुका महिला सहसचिव शमिका कुर्ले , पालघर तालुका सहसचिव योगेश राऊत , बोईसर शहर अध्यक्ष सिद्धार्थ वाघमारे तसेच कार्यकर्ते उपस्थित होते .