पांढरेवाडी गावचे उपसरपंच पदी रोहिणी बनकर यांची निवड

दौंड:- आलिम सय्यद

दौंड तालुक्यातील पांढरेवाडी गावच्या उपसरपंच पदी रोहिणी नवनाथ बनकर यांची निवड झाली.
सुवर्णा चंद्रकांत झगडे यांनी आपल्या उपसरपंच पदाचा राजीनामा दिल्याने रिक्त उपसरपंचपदाच्या जागेसाठी शनिवार ( ता.२७ ) रोजी पांढरेवाडी ग्रामपंचायत कार्यालयामध्ये उपसरपंच पदासाठी निवडणूक घेण्यात आली. या वेळी रोहिणी बनकर व संतोष चव्हाण हे दोन अर्ज दाखल झाल्याने यावेळी मतदान घेण्यात आले. पांढरेवाडी ग्रामपंचायत मध्ये अकरा सदस्य व बारावे जनतेतून निवडून आलेले सरपंच असा बारा जणांची ग्रामपंचायत पदाधिकारी असून यामध्ये संतोष चव्हाण यांना पाच तर रोहिणी बनकर यांना सहा मत पडल्याने यावेळी सरपंच छाया झगडे यांनी रोहिणी बनकर यांची उपसरपंचपदी निवड झाल्याचे घोषित केले. यावेळी निवडणूक निर्णय अधिकारी म्हणून ग्रामसेवक संजय यादव यांनी पाहिले तर निवडणूक अध्यक्ष म्हणून सरपंच छाया झगडे यांनी केले. यावेळी पांढरेवाडी ग्रामस्थांनी नव्वर्चित उपसरपंच रोहिणी बनकर यांचे अभिनंदन केले.

Leave a Reply

Your email address will not be published. Required fields are marked *

Don`t copy text!