दौंड तालुक्यातील दोन विद्यार्थ्यांचे नवोदय परीक्षेत यश..
दौंड प्रतिनिधी :- आलिम सय्यद
२०२०-२१ मध्ये घेण्यात आलेल्या नवोदय पात्रता परीक्षेत जिल्हा परिषद प्राथमिक शाळा मळद येथील दोन विद्यार्थ्यांनी नवोदय परीक्षेत यश संपादन केले आहे, सायली दत्तात्रय शिंदे आणि ओम देविदास गलांडे या दोघांची जवाहर नवोदय विद्यालयात पुढील शिक्षणासाठी निवड झाली आहे. २०२०-२१ या कालावधीत कोरोना प्रादुर्भावामुळे शाळा बंद असूनही ऑनलाईन अध्यापन सुरू होते. इयत्ता पाचवीच्या वर्गाचे वर्गशिक्षक देविदास गलांडे सर यांनी वर्षभर ऑनलाईन वर्ग घेऊन विद्यार्थ्यांना अध्यापन केले, विद्यार्थ्यांच्या या यशाचे शाळेचे मुख्याध्यापक मणियार सर, शाळेतील सहकारी शिक्षक, शाळा व्यवस्थापन समिती, ग्रामपंचायत सदस्य व ग्रामस्थ यांनी विद्यार्थ्यांचे कौतुक व अभिनंदन केले. दौंड तालुक्याचे गटशिक्षणाधिकारी नवनाथ वणवे साहेब व कुरकुंभ केंद्राचे केंद्रप्रमुख शिवाजी गोरे यांनी शाळा, शिक्षक, व विद्यार्थी यांना वेळोवेळी मार्गदर्शन केले व यशस्वी विद्यार्थ्यांचे अभिनंदन केले.