कुशेगाव येथे माजी सैनिकाच्या प्रथमस्मृती दिनानिमित्त वृक्षारोपण तसेच विविध उपक्रम..

दौंड :- आलिम सय्यद,

दौंड तालुक्यातील कुसेगाव येथील माजी सैनिक कालकथित शिलामन बाप्पू गायकवाड यांच्या प्रथमस्मृती दिनानिमित्त वृक्षारोपण तसेच दहावी-बारावी उत्तीर्ण विद्यार्थ्यांना प्रशस्तीपत्रक आणि प्रत्येकी एक वृक्ष देऊन गौरविण्यात आले.. सामाजिक बांधिलकी जपत कुसेगाव हिरवेगार करण्याच्या उद्देशाने आणि माजी सैनिक कालकथित शिलामन गायकवाड यांची आठवण प्रत्येक वृक्ष रूपाने समाजामध्ये राहावी अशा उदात्त हेतूने आलेल्या प्रत्येक पाहुण्यांना फळांच्या वृक्षांचे वाटप करण्यात आले..कार्यक्रमाच्या सुरवातीला घरासमोर पिंपळाचे झाड लावण्यात आले..यावेळी गावातील माजी कॅप्टन प्रतापतात्या शितोळे,मुलगा राहुल गायकवाड,संतोष गायकवाड, विशाल गायकवाड,मुलगी नूतन दानवले,विठ्ठल दानवले,तसेच गावचे उपसरपंच अमोल शितोळे,ग्रामपंचायत सदस्य किरण गायकवाड, कास्ट्राईब शिक्षक संघाचे अध्यक्ष गौतम कांबळे,कोषाध्यक्ष दादासाहेब डाळिंबे,माजी सरपंच मनोज फडतरे आदी ग्रामस्थ उपस्थित होते..