सामाजिक बांधिलकी संस्थेने केली कातकरी समाजाची दिवाळी गोड

प्रतिनिधी :- निलम ढोले

सामाजिक बांधिलकी संस्था हि गेल्या काही वर्षांपासून शैक्षणिक,सामाजिक,आरोग्य आणि इतर क्षेत्रात कार्यरत असून अनेकांना अनेक प्रसंगी मदतीचा हात दिला आहे. शैक्षणिक,सामाजिक,आरोग्य व इतर अनेक क्षेत्रात कार्यरत असणारी सामाजिक संस्था नालासोपारा यांनी आदिवासी बांधवांसोबत दिवाळी या उपक्रमाअंतर्गत दर वर्षी सामाजिक बांधिलकी संस्था आदिवासी समाजाला धान्य , फराळ यांचं वाटप करत असते
या वर्षी संस्थेने मुरबाड तालुक्यातील कोळीशी कातकरवाडी या ठिकाणी जाऊन या कुटुंबाना धान्य , फराळ व ब्लँकेट च वाटप करून या समाजाला दिवाळी साजरी करण्यासाठी आधार दिला या वेळेस उपस्थित कातकरी मुलांनी व महिलांना नृत्य सादर केले . या कामी ठाणे जिल्हा परिषद चे माजी सदस्य तथा मुरबाड तालुका कोळी महादेव संघटनेचे अध्यक्ष श्री विठ्ठलजी डामसे साहेब यांनी मोलाचे सहकार्य केले
कार्यक्रम समयी संस्थेचे अध्यक्ष श्री राजेंद्र कामेरकर, सुनील इंदप , सूर्यकांत बिर्जे , गणेश हेगिष्टे , हरीचंद्र आढारी व पाटील उपस्थित होते